Ի՞նչ է ավտովարկը
Սեփական ավտոմեքենա ունենալ ցանկանում են շատերը, սակայն այն ձեռք բերելու համար անհրաժեշտ գումար ոչ բոլորն ունեն: Բանկերը և վարկային կազմակերպությունները հնարավորություն են տալիս յուրաքանչյուրին ձեռք բերել ավտոմեքենա՝ ավտովարկի միջոցով: Ավտովարկը տրամադրվում է ֆիզիկական անձանց ավտոմեքենա ձեռքբերելու նպատակով: Ավտովարկի դեպքում ձեռքբերվող տրանպորտային միջոցը միաժամանակ հանդիսանում է ավտովարկի գրավ:
Կախված այն հանգամանքից, թե ավտոմեքենան ձեռք է բերվում առաջնային, թե երկրորդային շուկայից՝ փոխվում են ավտովարկավորման պայմանները: Առաջնային շուկայից ավտոմեքենա ձեռքբերելու պարագայում գրավի, այսինքն՝ ավտոմեքենայի շուկայական արժեքի գնահատումը սովորաբար կատարվում է վարկատուի կողմից անվճար, իսկ երկրորդային շուկայի դեպքում՝ ավտոսրահի կողմից տրամադրված տեղեկանքում նշված ավտոմեքենայի արժեքի հիման վրա: Առաջնային շուկայից ավտոմեքենա ձեռքբերելու համար տրամադրվող ավտովարկի գումարը որպես կանոն ավելի մեծ է լինում, քան երկրորդային շուկայի դեպքում:
«մոգո» մասնագիտացված վարկային կազմակերպություն
Հայաստանում ավտովարկեր ստանալու հնարավորություն տալիս են գրեթե բոլոր բանկերը և վարկային կազմակերպությունները։ Բացի այդ՝ գործում է նաև ավտովարկերի մասնագիտացված վարկային կազմակերպություն՝ «մոգո» ունիվերսալ վարկային կազմակերպությունը, որը առաջարկում է ավտովարկերի մի քանի տեսակներ.
- ավտոմեքենայի ձեռքբերման վարկ,
- ավտոմեքենայի գրավադրմամբ սպառողական վարկ,
- ԱՄՆ աճուրդներից ավտոմեքենայի ձեռքբերման վարկ։
Ավտովարկերի ձեռքբերման պայմանները
Ինչպես մյուս վարկատեսակների, այնպես էլ՝ ավտովարկի ստացման համար հաճախորդը պետք է բավարարի մի քանի կարևոր պայմանների, որոնք հետևյալն են.
- Վարկային լավ պատմության առկայություն:
- Շարժական և անշարժ այլ գույքի, կայուն եկամտի առկայություն:
Ավտովարկը կարող է տրամադրվել ինչպես կանխավճարով , այնպես էլ առանց կանխավճարի: Սովորաբար, երբ վարկառուն չի ունենում կայուն եկամուտ, նրանից պահանջվում է կանխավճար: Ավտովարկի կանխավճարը, որպես կանոն, կազմում ավտոմեքենայի գնահատված արժեքի 20-30%-ը:
Ավտովարկավորման մեծամասամբ դեպքում նախատեսվում է ավտովարկավորման պարտադիր ապահովագրում, այսինքն՝ գրավադրվող ավտոմեքենայի ապահովագրում: Սա անհրաժեշտ է, քանի որ եթե ավտովարկի ժամկետի ընթացքում մեքենան վթարի ենթարկվի, ապա ապահովագրական ընկերությունը կփոխհատուցի վնասը, և վարկատուն ու ավտոմեքենայի սեփականատերը հավելյալ վնաս չեն կրի:
Եթե ավտովարկի ժամկետի ընթացքում վարկառուն կանգնում է վճարունակության խնդի առջև, ապա կարող է համաձայնության գալ ավտովարկի երկարաձգման, վճարումների ժամկետների փոփոխության շուրջ: Իսկ համաձայնության չգալու պարագայում գրավադրված ավտոմեքենան անցնում է բանկի տնօրինության տակ, և, որպես կանոն, բանկն այն վաճառքի է հանում իր կրած վնասները ծածկելու համար։
