Ծրագրային վարկեր հիփոթեքային վարկեր և բիզնես վարկեր cragrayin varker, hipoteqayin varker, biznes varker

Ծրագրային վարկեր

Հայաստանում վարկեր տրամադրում են բանկերը, վարկային կազմակերպությունները և գրավատները: Նշված ֆինանսական կազմակերպությունները տրամադրում են տարբեր վարկատեսակներ՝ կախված վարկի նպատակից: Առաջարկվող վարկատեսակներից մեկն էլ ծրագրային վարկերն են:

Ծրագրային վարկերի էությունը

ՀՀ բանկերը եւ վարկային կազմակերպությունները ծրագրային վարկեր տրամադրում են վարկավորման հատուկ ծրագրերի շրջանակներում: Յուրաքանչյուր ծրագիր ունի սպասարկող վարկատու կազմակերպություն: Ծրագրային վարկերի միջոցով պետությունը, Կենտրոնական բանկը և ֆինանսական կազմակերպությունները համագործակցում են եւ աջակցում տարբեր շահառու խմբերին` մատչելի վարկեր ձեռք բերելու համար:

Ծրագրային վարկ տրամադրող վարկատու կազմակերպություններ

Ծրագրային վարկերի շրջանակում «Բնակարան երիտասարդներին» և «Ազգային հիփոթեքային ընկերություն» կազմակերպությունները բանկերին և վարկային կազմակերպություններին տրամադրում են ցածր տոկոսով երկարաժամկետ վարկեր ՝ համագործակցելով նրանց հետ:

«Ազգային հիփոթեքային ընկերության» նպատակն է հիփոթեքային շուկայում այնպիսի պայմանների ստեղծումը, որպեսզի վարկերը հասանելի լինեն բոլոր այն ընտանիքների համար, ովքեր ունեն միջին եկամուտ և հիփոթեքային վարկավորման միջոցով կարող են բարելավել իրենց բնակարանային պայմանները:

«Բնակարան երիտասարդներին» ՎՎԿ ՓԲԸ –ի նպատակն է Հայաստանի Հանրապետության քաղաքացիների՝ մասնավորապես երիտասարդների համար ապահովել վարկավորման նպաստավոր պայմաններ, ձևավորել միջին և ցածր եկամուտ ունեցող երիտասարդների` բնակարանային ապահովվածության, կրթության և առօրյա այլ խնդիրների լուծմանն ուղղված` շուկայականից ցածր տոկոսադրույքով վարկավորման հնարավորություններ:

Հիփոթեքային և ուսումնական վարկեր

Ծրագրային վարկերի մեջ հիմնականում ներառվում են հիփոթեքային եւ ուսումնական վարկերը: Հիփոթեքային վարկեր տրամադրվում են տուն ձեռք բերելու, վերանորոգելու կամ հողամասը կառուցապատելու համար` գրավադրելով այդ տունը կամ հողամասի կառուցապատման դեպքում` հողամասի կառուցապատման իրավունքը, իսկ ծրագրային հիփոթեքային վարկերը տրամադրվում են ստեղծելու համար այնպիսի պայմաններ, որ վարկերը հասանելի լինեն նաեւ միջին և ցածր եկամուտ ունեցողներին, և նրանք կարողանան հիփոթեքային վարկավորման միջոցով բարելավել իրենց բնակարանային պայմանները:

Ուսումնական վարկերը տրամադրվում են ֆիզիկական անձանց՝ կրթության ծախսերը հոգալու նպատակով, իսկ ծրագրային ուսումնական վարկերը հնարավորություն են տալիս երիտասարդներին ստանալու բարձրագույն կրթություն՝ մատչելի վարկերի միջոցով:

Ձեր առաջարկները