Բիզնես կամ առեւտրային վարկեր
Վարկի օգտագործման նպատակները բազմազան են, որոնց համապատասխան տարբեր են նաև տրամադրվող վարակատեսակները: Ֆիզիկական և իրավաբանական անձինք կարող են դիմել տարբեր վարկատեսակների համար՝ կախված նպատակից եւ կարիքից: Վարկը հատկապես կարևոր նշանակություն ունի շուկայական տնտեսության պայմաններում, քանի որ նպաստում է ձեռնարկատիրական գործունեության ծավալմանը և արտադրության անընդհատության ապահովմանը։
Բիզնես կամ առևտրային վարկերի էությունը
Բիզնես(առևտրային) վարկը ֆինանսական աշխարհում համարվում է լավ վարկ: Լավ անվանում են այն վարկին, որը հետագայում հավելյալ եկամուտ է ապահովում: Այդպիսին կարող են համարվել նաև, օրինակ՝ ուսանողական վարկերը:
Բանկերը և վարկային կազմակերպությունները բիզնես վարկեր տրամադրում են անհատ ձեռնարկատերերին կամ իրավաբանական անձանց` տնտեսական գործունեություն ծավալելու, այդ թվում նաև արտադրության կազմակերպման, առևտրի, ծառայությունների մատուցման, բիզնեսի ընդլայնման և զարգացման նպատակով: Հայաստանում բիզնես վարկերի առավել մեծ պահանջարկ ձեւավորում են փոքր և միջին բիզնեսները:
ՀՀ առաջատար բանկերի կողմից տրամադրվող բիզնես վարկերի պայմանները
Բիզնես վարկեր ՀՀ-ում տրամադրում են գրեթե բոլոր բանկերը եւ վարկային կազմակերպությունները: Unibank-ը որպես ռազմավարական ուղղություն է դիտարկում փոքր և միջին բիզնեսի վարկավորման զարգացումը: Բանկն առաջարկում է 15 բիզնես վարկատեսակներ:
VTB-Հայաստան բանկը առաջարկում է 18 բիզնես վարկեր և վարկային գծեր անհատ ձեռնարկատերերին և իրավաբանական անձանց՝ առևտրային գործարքների ֆինանսավորման, կարճաժամկետ ներդրումների, սարքավորումների, հումքի ձեռքբերման, շրջանառու միջոցների համալրման, կրեդիտորական պարտավորությունների մարման նպատակով:
Converse Bank-ը տրամադրում է բիզնես վարկեր, որոնք ուղղված են բիզնեսի զարգացմանն ու գործնական մտքերի իրագործմանը: Բանկն առաջարկում է բիզնես նպատակների իրագործմանն ուղղված 9 վարկատեսակ: Իսկ Acba-Credit Agricole Bank-t բիզնեսի կայուն աճի ու զարգացման համար իր հաճախորդներին առաջարկում է 7 վարկատեսակ:
Ameriabank-ը տրամադրում է 13 բիզնես վարկատեսակներ, որոնք ուղղված են ինչպես խոշոր, այնպես էլ փոքր եւ միջին բիզնեսի զարգացմանը: Inecobank-ը տրամադրում է բիզնես վարկեր սկսած 500 000 ՀՀ դրամից եւ առաջարկում 4 բիզնես վարկատեսակներ: evocabank-ը առաջարկում է 3 տեսակի բիզնես վարկեր՝ բիզնեսի տարբեր ոլորտները ֆինանսավորելու նպատակով:
Մենք տրամադրեցինք բիզնես վարկերի վերաբերյալ անհրաժեշտ տեղեկատվություն, մնում է միայն որոշել, թե որ բանկն է առաջարկում Ձեր բիզնեսի վարկավորման համար առավել շահավետ տարբերակ:
