Ուսումնական վարկեր ուսանողների համար, կրթական վարկեր Usumnakan vark usanoxakan krtakan varker

Ուսումնական վարկ

Ուսման դերը միշտ եղել է առաջնահերթ ու այդպես էլ շարունակվում է մնալ: Չէ՞ որ հենց ուսումն ու համակողմանի գիտելիքներն են զինում սերունդներին, ովքեր էլ հանդիսանում են մեր պայծառ ապագայի երաշխիքը:

Հենց այս նկատառումները հաշվի առնելով՝ Հայաստանի Հանրապետության բանկերը և ֆինանսական կազմակերպությունները տրամադրում են ուսումնական վարկեր, որոնք զգալիորեն թեթևացնում են ուսման վարձի վճարումը:

Ի՞նչ է ուսումնական վարկը

Սույն վարկատեսակի նպատակն է թեթևացնել ԲՈւՀ վճարովի ընդունված և վարձավճարի հարցում դժվարության բախված ՀՀ քաղաքացիների ֆինանսական բեռը՝ հնարավորություն տալով կրթությունը դարձնել ավելի հասանելի անգամ միջինից ցածր եկամուտներ ունեցող անձանց:

Եթե ՀՀ քաղաքացի եք, ուսանող, բայց միևնույն ժամանակ աշխատում եք և ունեք կայուն եկամուտ, սակայն այն բավարար չէ Ձեր ուսման ֆինանսավորման համար, ապա ուսումնական վարկերը կթեթևացնեն Ձեր բեռը: Դրա համար հարկավոր է միայն դիմել որևէ բանկ, և ինքներդ կստանաք ուսումնական վարկ՝ ներկայացնելով համապատասխան պահանջվող փաստաթղթերը:

Եթե ուսանող եք, սակայն չեք աշխատում, ապա Ձեզ համար ուսումնական վարկ կարող է ստանալ Ձեր ծնողը կամ խնամակալը՝ կրկին համապատասխան փաստաթղթերի ողջ փաթեթը ներկայացնելով (ծնողի փաստաթղթերի հետ պարտադիր պետք է ներկայացվեն նաև Ձեր փաստաթղթերը):

Ուսումնական վարկի պայմանները

Վարկատեսակը տրամադրվում է միայն ՀՀ քաղաքացիներին:
Տրամադրվում է առավելագույնը 10 տարի ժամկետով:
Տրամադրվող առավելագույն գումարը կազմում է 1.800.000 ՀՀ դրամ, որը նախատեսվում է ամբողջ ուսումնառության ընթացքի համար:
Ուսումառության ընթացքում մարվում են ուսումնական վարկի տոկոսները միայն, իսկ ուսումնառության ավարտից հետո տոկոսագումարի հետ միասին կատարվում է նաև վարկի մայր գումարի մարում:
Ուսումնական վարկը տրամադրվում է միայն անկանխիկ եղանակով, այսինքն՝ փոխանցվում է ԲՈւՀ-ի հաշվեհամարին:

Անհրաժեշտ փաստաթղթեր

ԲՈւՀ-ից տեղեկանք, որում նշված պետք է լինեն վարկառուի՝ ուսանողի ֆակուլտետը, բաժինը, կուրսը, վարձավճարի չափը, ուսանողի ուսումնառության ավարտի տարին, ամիսը և ԲՈւՀ-ի բանկային հաշվեհամարը:
Եթե սովորում եք գերազանց, ապա հարկավոր է նաև դրա մասին նշում՝ հաստատված կոնկրետ ուսումնական տարով:
Ուսանողի անձը հաստատող փաստաթուղթ, սոցիալական քարտ:
Ուսանողի ծնողների (խնամակալների կամ հոգաբարձուների) անձը հաստատող փաստաթուղթ:

Այսպիսով՝ եթե ուսանող եք և ուումնառության վճարի հետ կապված խնդիրների եք բախվել, ապա ուսումնական վարկերը կթեթևացնեն Ձեր հոգսերը:

Ձեր առաջարկները