Ոսկու գրավով սպառողական վարկեր գրավի դիմաց vosku gravov varker varker gravi dimac

Ոսկու գրավով վարկեր

Ցանկացած վարկ տրամադրելիս, լինի դա սպառողական վարկ, վարկային գիծ, թե հիփոթեքային վարկ, վարկատուն ցանկանում է համոզվել, որ դուք ի վիճակի կլինեք վերադարձնել վերցված վարկը, այսինքն՝ որ դուք ունեք այդպիսի կարողություն: Ձեր վարկունակությունը հենց այդ կարողությունն է, որը վարկատուն գնահատում է հաշվի առնելով` Ձեր և Ձեր ընտանիքի եկամուտները, խնայողությունները, վարկային պատմությունը, վարկի ապահովվածությունը:

Վարկը որպես կանոն ապահովված է լինում գրավով կամ երաշխավարությամբ: Գրավով ապահովված վարկատեսակներից ամենատարածվածը ոսկու գրավով վարկն է: Ոսկին այս դեպքում հանդիսանում է Ձեր վճարունակության երաշխիքը: Վարկային պայմանագրի գործողության ընթացքում հնարավոր է Դուք կանգնեք անվճարունակության առջև և չկարողանաք մարել Ձեր վարկային պարտավորությունները, ուստի այդ դեպքում, գրավը իրացնելու միջոցով վարկատուն մարում է ձեր վարկային պարտավորությունը:

Ոսկու գրավով վարկերի առավելությունները

Ոսկու գրավով վարկն ամենահուսալի և ցածր ռիսկային վարկատեսակներից մեկն է վարկատուի տեսանկյունից, քանի որ վարկառուի անվճարունակության պարագայում բանկը կիրացնի գրավադրված ոսկին և կմարի վարկային պարտավորությունը, այսինքն կփոխհատուցի իր վնասը:

Ոսկու գրավով վարկը ձեռնտու է նաև վարկառուի տեսանկյունից, քանի որ վերջինս գիտակցելով, որ իր ոսկին գտնվում է բանկի տնօրինման ներքո և վարկը չմարելու պարագայում բանկն այն կիրացնի, էլ ավելի շահագրգռված կլինի ժամանակին մարել վարկը և հանել իր ոսկին գրավադրումից:

Օգտակար խորհուրդներ ոսկու գրավով վարկերի համար

Եթե Դուք ցանկանում եք ոսկու գրավով վարկ վերցնել ապա պետք է իմանաք.

Ոսկու գրավով վարկը, մնացած վարկատեսակների հետ համեմատած ամենառիսկային վարկատեսակն է, քանի որ այս դեպքում Դուք վարկատուի առջև պատասխանատու եք Ձեր գրավադրած ոսկով:
Վարկ մարման համար Դուք պատասխանատու եք ոչ միայն գրավադրած ոսկով, այլ նաև՝ Ձեր անձնական գույքով. նման իրավիճակ առաջանում է այն դեպքում, երբ գրավի իրացումից վարկատուն չի կարողանում բավարար գումար ստանալ (օրինակ գրավի արժեքը շուկայում էականորեն նվազել է), ապա Դուք պատասխանատու եք դառնում նաև Ձեր անձնական գույքով:
Աշխատեք չվերցնել Ձեզ անհրաժեշտ գումարից ավելի, որքան էլ վարկատուի կողմից կատարվող առաջարկը հրապուրիչ լինի, քանի որ հավելյալ գումարը պահանջում է նաև հավելյալ մարումներ. մի մոռացեք, որ Դուք վարկի մարման համար պատասխանատու եք Ձեր ոսկով:

Այսպիսով՝ ոսկու գրավով վարկ վերցնելիս մշտապես կշռադատեք վարկ վերցնելու անհրաժեշտությունը, օգտագործման նպատակները, այդ վարկը մարելու Ձեր հնարավորությունը և որոշում կայացրեք՝ արժե արդյոք վտանգել Ձեր ոսկին՝ հանուն այդ նպատակների:

Ձեր առաջարկները