Գյուղատնտեսական ագրո վարկեր, gyuxatntesakan agro varker gyuxatntesutyun

Գյուղատնտեսական վարկեր

Գյուղատնտեսական վարկերը տրամադրվում են գյուղատնտեսական արտադրության կամ գյուղատնտեսական հումքի վերամշակման կազմակերպման նպատակով: Այն միտված է օգնել գյուղատնտեսական արտադրության կազմակերպմանը: Վարկի այս տեսակը տրամադրվում են ինչպես իրավաբանական անձանց և անհատ ձեռնարկատերերին, այնպես էլ ֆիզիկական անձանց:

Գյուղատնտեսական վարկի մարման գրաֆիկները սովորաբար կազմվում է՝ հաշվի առնելով սեզոնայնությունը, վարկառուների դրամական հոսքերի առանձնահատկությունները. օրինակ՝ կարող է սահմանվել տարեկան 2 մարում, որոնք կլինեն բերքահավաքին հաջորդող ժամանակահատվածներում: Այս վարկերը հիմնականում տրամադրվում են ՀՀ դրամով և շարժական կամ անշարժ գույքի գրավով:

Մի քանի ծրագրային գյուղատնտեսական վարկեր

Հայաստանը ունի մեծ պոտենցիալ զարգացած գյուղատնտեսություն ունենալու համար, այդ իսկ պատճառով գործում են մի շարք ծրագրեր, որոնք միտված են գյուղատնտեսության զարգացմանը: Նշենք դրանցից մի քանիսը՝

Գյուղատնտեսական հումքի մթերումների (գնումների) նպատակով ագրովերամշակման ոլորտին տրամադրվող վարկերի տոկոսադրույքների սուբսիդավորման ծրագիր- այս ծրագրի շրջանակներում վարկերը տրամադրվում են պետական սուբսիդավորմամբ,այսինքն վարկի 9-ը վճարում է պետությունը՝ ձեր փոխարեն:
Կաթիլային ոռոգման համակարգերի ներդրման համար տրամադրվող վարկերի տոկոսադրույքների սուբսիդավորման ծրագիր- Ծրագիրը նախատեսված է ներդնել բազմամյա տնկարկներով (պտղատու և խաղողի այգիներ, հատապտուղներ) բանջարանոցային և բոստանային մշակաբույսերով զբաղեցված տարածքներում ՝ բացառությամբ ջերմատների և ջերմոցային տնտեսությունների:
ՀՀ-ում գյուղատնտեսության ոլորտում հակակարկտային ցանցերի ներդրման համար տրամադրվող վարկերի տոկոսադրույքների սուբսիդավորման ծրագիր- Ծրագիրը նախատեսված է՝

խաղողի այգիներում հակակարկտային ցանցերի, կոնստրուկտիվ մասերի(սյունների), ցինկապատ լարերի, կապիչների ներդրման, մոնտաժման աշխատանքների և շահագործման վերաբերյալ խորհրդատվության և երաշխիքային սպասարկման համար
պտղատու այգիներում հակակարկտային ցանցերի՝ ներառյալ ցինկապատ լարերի, կապիչների ներդրման, մոնտաժման աշխատանքների և շահագործման վերաբերյալ խորհրդատվության և երաշխիքային սպասարկման համար

Հայաստանի Հանրապետությունում ժամանակակից տեխնոլոգիաներով մշակվող ինտենսիվ պտղատու այգիների հիմնման համար վարկային տոկոսադրույքների սուբսիդավորման ծրագիր- Ծրագիրը նախատեսված է՝

1-ից 10 հեկտար ինտենսիվ պտղատու այգի հիմնելու համար
0.5-ից 5 հեկտար հատապտղատու այգի հիմնելու համար

Ծրագրի շրջանակներում տրամադրված վարկային միջոցներով չի նախատեսվում հողի ձեռքբերում , ինչպես նաև ջերմոցային տնտեսությունների հիմնում կամ համալրում՝ բացառությամբ հատապտուղների մշակության համար նախատեսվածներից:

Այսպիսով, յուրաքանչյուրը ով ցանկանում է գյուղատնտեսական գործունեություն ծավալել կամ զարգացնել այն, կարող է օգտվել մի շարք վարկերից, որոնք տրամադրվում են հարմարավետ պայմաններով:

Ձեր առաջարկները