Հիփոթեքային վարկեր երիտասարդ ընտանիքներին Hipotekayin varker eritasard ntaniqnerin

Հիփոթեքային վարկեր

21-րդ դարում անշարժ գույքի ձեռքբերումը դարձել է ավելի պարզ և մատչելի: Սակայն պարզեցման և հստակեցման հետ միաժամանակ միշտ չէ, որ ֆինանսական պահանջները թույլ են տալիս Ձեզ ձեռք բերել ցանկալի անշարժ գույքը: Հենց այդ խնդիրներին են նպատակաուղղված հիփոթեքային վարկերը:

Հիփոթեքային վարկերի շնորհիվ կարող եք ձեռք բերել բնակարան, բնակարանը կառուցապատելու և վերանորոգելու համար գումար՝ գրավադրելով նույն բնակարանը, հողամասի կառուցապատման համար գումար՝ համապատասխանաբար գրավադրելով հողամասը:

Հիփոթեքային վարկերը տրամադրվում են բանկերի և վարկային այլ կազմակերպությունների կողմից, որոնք էլ իրենց հերթին վերաֆինանսավորվում են «Բնակարան երիտասարդներին» և «Ազգային հիփոթեքային ընկերություն» ֆինանսական կազմակերպությունների կողմից:

Կարևորելով հաճախորդների ժամանակը և ջանքերը՝ ֆինանսական կազմակերպությունները տրամադրում են շահավետ վարկեր, որոնց տրամադրման մասին որոշումը հիմանակնում կայացվում է 3 աշխատանքային օրվա ընթացքում:

Բնակարան երիտասարդներին

Հիփոթեքային վարկատեսակների մեջ վերջին տարիների ընթացքում ավելի պահանջված են «Բնակարան երիտասարդներին» վարկերը: Սրանք նախատեսված են նորաստեղծ ընտանիքների համար, որոնց գումարային տարիքը չի գերազանցում 70-ը:

Եթե արդեն ունե՞ք բնակարան, սակայն ոչ բարվոք վիճակում է գտնվում, և զգացվում է կառուցապատման և վերանորոգման կարիք, ապա նպատակին կծառայեն բարեկարգման կամ օրինակ՝ էներգարդյունավետ անշարժ գույք ձեռք բերելու նպատակով տրամադրվող վարկատեսակները:

Վարկի տրամադրման պայմանները

Հիփոթեքային վարկերի պայմանները գնալով հստակեցվում և պարզեցվում են Հայաստանի Հանրապետության՝ միջինից ցածր եկամուտ ունեցող քաղաքացիներին ավելի հասանելի դարձնելու նպատակով:

Տրամադրվում են Հայաստանի Հանրապետության քաղաքացի կամ ռեզիդենտ ֆիզիկական անձանց:
Վարկերը տրամադրվում են ՀՀ դրամով և արտարժույթով:
Վարկերի վաղաժամկետ մարումը թույլատրվում է կնքված պայմանագրով:
Սույն վարկերը տրամադրվում են 1-ից 30 տարի ժամկետով:
Վարկի մարման պարտականությունների չկատարման դեպքում կարող է բռնագրավվել Ձեր կողմից գրավադրված գույքը:
Վարկի մարման պարտականությունների թերի կատարման դեպքում այդ տեղեկատվությունը տեղ կգտնի Ձեր վարկային պատմության մեջ:

Ձեր առաջարկները